Das Fasnachts-Comité dankt allen Personen ...
Kai Doon heersch me, s duet langsam daage
S isch heggschti Zyt zem Dangge saage
Dangge fir all die vyyle Händ
Wo vyyl gschafft hänn bis zem Änd
Dr Bolizey, dr Sanität, dr BVB,
De Stroossewischer und vyylne me
Wo grampft hänn drei Daag uff dr Gass
Jä mängmool drogge, mängmool nass
Dr Petrus het dängg – dasch verruggd
Halt denn e Dräänli als verdruggd
Und zwor voll Haiterkait und Fraid
Ab däre herrlig Augewaid
Wo drei Daag lang hesch könne gseh
Vyyl Nemos und vyyl ESC
Doch sicher au die dunggle Syte
Wo d Ladäärne, d Requisyte
Zaigt hänn, dass uff däre Wält
Au drieb isch als am Himmelszält
Dass s Arge zaigt wird, das isch richtig
Grad an dr Fasnacht au seer wichtig
Trotz däre dailwyys schwierig Laag
Luege mir zrugg uff die drei Daag
Mit Danggbarkait und Zfriedehait
Scheen isch es gsi – mir hänn e Fraid
Jetz kunnt dr Bummel, denn dr ESC
Mir fraien ys – maint s Comité
Hier senden wir dir alle Neuigkeiten rund um die Basler Fasnacht direkt in deine Inbox.